الحقيقه

الحقيقه الوحيده الي متأكد منها ان الحب نصه ظلم للطرفين

هتتردلك

 لما افتكرته وفكرت فيه شويه اتحرق دمي 

صحيح انا عديتها لما عرفت 

بس مش معني كده اني هنسهالك 

انا ليه اصلا يتعمل معايا كده ! 

كان ياما كان

كان ياما كان يا ساده يا كرام 

واحد حب واحده من اول مره شافها فيها 

حارب اقرب ناس ليه علشانها وصمم علي انه يبقا ليها هي بس 

عرض نفسه لخساره كل حاجه علشان يكسبها

ومع انه كان حاسس بعدم حبها وانها اختارته علشان تنسي واحد غيره 

كمل معاها ,, علشان بيحبها وكان عنده امل انها تحبه زي ما بيحبها 

ومع الوقت ابتدا يحس بحبها 

بدات تكدب كتير ويسامحها ,, تغلط كتير ويعلمها ,, تكرر الغلط ويصبر عليها ويقول هتتعلم 

اهملت في حقه واستحمل وكمل وقال ظروف وهتعدي ,,

خانته ,, بس الي بيحب بحق وحقيق بيحس بكل تصرف وكل حاجه بتحصل من حبيبته حتي لو ماشفش ولا سمع 

والاحساس طلع صح ,, طباع مختلفه اتفق معاها علي انها تتغير وتقوله هتغير بس مش بتتغير 

صحيح كان عارف انها بتضحك عليه بكلامها بس كان بيعديها علشان بيحبها

بس لان كل واحد طاقه وصبر جاب اخره معاها 

خصوصا لما حس انها بتبيعه واحده واحده وانها بتضربه في ضهره وسط الحرب الي بيحاربها علشانها 

هي دلوقتي عايشه دور المظلومه بس ده وضع طبيعي لواحده عمرها م غلطت نفسها 

وضع طبيعي لواحده الكدب بيجري ف دمها 

وضع طبيعي لواحده خاينه 

مش بس خيانه بالفعل ,, خيانه بالتفكير 

اصل مجرد التفكير في الخيانه تعتبر خيانه 

خلصت الحدوته بس لسه مخلصتش الحياه

مش عارف اعمل ايه

انا حتي مش عارف اكتبها ازاي 

المشكله ان انا جوه الدايره الزحمه بالمواقف الملخبطه 

مابين حب وكره وكدب وخناق وزعل ومصالحه وحاجات كتير كده متناقضه 

الحل الوحيد والتقليدي والمنطقي ان اخد اول خطوه علشان اوصل لحل,,ان اخرج برده الدايره دي 

بس اخرج ازاي من الي انا فيه وانا مش عارف اخرج من الدايره اصلا 

مشكله ,, بعد تفكير شويه منظم وشويه مشتت عقلي بيقفلني ويقول 

(مش عارف اعمل ايه)

يا خساره

نفسي صعبانه عليا اوي 

انا الي اذيتك كده,, عارف :(

ومش هعملها تاني

محو الذاكره

اتمني الان بكل بقوه ان امحو ذاكره عقلي بأي وسيله وابدأ من جديد

دور كده معايا

فين مكان الراحه والهدوء علي كوكب الارض !!

اختياري

مش عارف هي عايزه مني ايه ومش عارف اعمل ايه
طيب انا مبسوط معاها وبوجودها في حياتي مين قال بقا انك بتتمنيلي الخير
استمرارك بالطريقه دي هيدمرني مش هيسعدني
انا اخترت ومش هتنازل عن اختياري

العدل مين سيده

يا اهل العرب .. يا اهل اوطاني ,, والطرب .. معني الطرب المعروف = اسمي واعلي درجات الغني بتتقال علي الي صوته في نغم زي مدحت صالح ومحمد الحلو وعلي الحجار عكس المؤدي ده معني كلمه الطرب لوحدها ,, بس لو جات في جمله مفيده زي يا اهل العرب ,, والطرب يبقا مش شرط يبقا الطرب هنا بمعناها الحرفي الي هو في الغني .. ممكن يبقا معناها الحرفيه والاتقان والسمو والعلو الي عند العرب
العدل مين سيده .. العدل هو العدل والحق والمساواه (عيش ,, حريه ,, كرامه انسانيه ) سيده = انا وانت وكل عربي
سيده ويا للعجب وطي وباس ايده .. سيده وياللعجب !! يبقا منير هيقول حاجه مش منطقيه ومش طبيعيه الي هي ,, وطي وباس ايده
وطي وباس ايده دي فيها عبقريه السنين معناها ان الطبيعي والمنطقي ان العدل بيتحقق من غير واسطه او من غير محايله
العدل هو العدل وسيده الي هو انا لما اطلبه لازم اخده بكبرياء بس ياللعجب ده انا طلبته وعايزه يتحقق وقعدت اتحايل وبوست الايادي كمان علشان اخد حقي في العدل ,, الي هو اساس الملك

قلبي وروحي وعمري

انها اللحظه التي لم اتمني ان امر بها ... ان اعيشها .. ان اتذوق لهيبها .. ان تعرف في يوم من الايام الي طريقها
ان تكون حقيقه يحفر في قلبي ذكرياتها ... ان اسمع من فرحه ما انينها ... ان ينطفي بريق العين ويصبح الدمع سبيلها
لحظه اتمني الان فراقها ... ولكنها !! لن تفارق الروح حتي موتها ... لتصبح مع من تتمني قربها ... فهي عشقها


قلبي وروحي ... وعمري
عندما ينتهي العمر ... وتطوف الروح حول من تحب ... فيغني لها القلب

لقد كان كل سبب لحياتي ... بيننا ارقي انواع الحب
اينما ذهبت .. واي كانت الحاله .. فهو سبيلي


كم انتي قاسيه ايتها الحياه ... حتي عندما ان تقرري العطاء
وكانه مبدأ راسخ لا يتغير ... فهو بلا عواطف ... وبلا قلب
ونحن ... ليس لنا الا ان تستقبل كل هذه القسوه بصمت لكل مشاعرنا
كم من ليله ... مرت .. !! يتمني كل ما هو لي ان تعود ليله واحده فقط من هذه اليالي
او ان تتكرر الان ولو للحظه ...
ولكن اعود بعد ذلك وانظر الي واقع اليم
لن تعود .. ولن تصبح
ولكن لن يمحي اهم ما وجد في حياتي من كل شئ حي بي


والان اقل ما يجب ان يتم ... ان يقال ... ان يكون افعال ... فلتشهد عليه الازمان
ولتشهد الروح التي اعشقها
نعم اعلنها برغم كل شئ ... سيبقي كل شئ بي وفي لك للنهايه

الفراعنه والملك

اقدم واعرق حضاره في الكون اتولدت واتوجدت في بلد
قال عنها احد اعظم مؤرخي العالم انها اتوجدت لكي تكون دوله عظيمه
بلد علمت العالم وعلمت في التاريخ
من اول الفراعنه الي للحظه دبي باهرين العالم
لانهم قدروا يخترعوا الطب والهندسه والفنون والتحنيط
كل دا حصل بادوات بدائيه
وكان ممكن علموهم وفنونهم تنتهي معاهم
بس لانهم عظماء سجلو تاريخهم وحضارتهم علي الحجر وورق البردي
واعظم علماء ومكتشفي العالم عاجيزن قدام عبقريه الفراعنه
واحدث الاجهزه مش قادره تجاري اقدم الادوات واكثرها بدائيه
ودا دليل علي حاجه واحده بس ان الفرق في القدرات ميتحسبش وميبقاش مقياسه الات والمعدات
الفرق في القدرات يتحسب بالعقول الي بتستخدم الالات دي
تخيلوا الفراعنه كان عندهم كمبيوتر كانو عملوا بيه ايه ؟
الخلاصه ان لما عقل وتفكير وذكاء الفراعنه يتخطي مستوي احدث الالات في الكون يبقا لما تيجي سيره الفراعنه نتقف انتباه
منير بقا بفنه عامل زي الفراعنه بامجادهم
قدر يبهر العالم كله بفن اشبه بفن التحنيط ميعرفش سره غيره هو بس
قدر بورقه وقلم وشويه الات موسيقيه وبحنجره اتولدت عشان تبقا صوت الحق وباحساس فاق الادراك العقلي
انه يحرك عواطف شعب يوعي ملايين العقول
يصحي جوه جمهوره حاجات كتير
وصل للعالميه الحقيقيه الي هي انك توصل تراثك المحلي للعالم كله
والي اكتر من كدا انه وصله بطريقه عجبت العالم كله
واعتبرت من الملك نجم من نجومها المفضليين
هي دي العالميه الي بجد ... زي اديبنا العالمي نجيب محفوظ
الي طبق مقوله التعمق في المحليه هو الي يقدر يوصللك للعالميه
يعني زي ما اديبنا كتب عن الحواري والي بيحصل فيها بالعربي
زي ما الملك غني بصوت الحواري بالعربي
زي ما الفراعنه قادرين يبهرونا لغايه دلوقتي
زي ما الملك قادر يبهر اجيال تانيه غيرنا
هتبقا عقولها وتفكيرها مختلف عننا
بس مش هيكون عندهم فن الملك
الي هيبقا تراث الكل بيدور عليه

لاشئ الخيار المفروض

والان ,, اقصد الحاضر . ولكن ياتي الماضي ليبني جدار من الذكريات يجعل من اما بعد كخروج الروح العاصيه من الجسد

فقول الان يعني نقطه التوقف الفاصله بين ما قبله ... وما بعده ,, اقصد المستقبل

فليذهب جدار الماضي الي الجحيم وليذهب الحاضر الي الجحيم ايضا وليذهب المستقبل الي ما كتبه القدر ولاذهب انا الي لا شئ

انها المعامله بالمثل يا قفا

مش عيب لما استندل مع الي طلعت معاه راجل وهو طلع لاموغذا يعني,ومش عيب لما ابقا قليل الذوق مع قليل الزوق
انها المعامله بالمثل يا عزيزي

سيبيني في حالي

لماذا كل هذا الصبر ,, علي حب ممزوج بسم يسري في عروقي !! حب اهم ما فيه الغدر والمتعه في تعميق جروحي
انتي تعرفينني جيدا فهل بالسهله دموعي ؟؟ ف لتنتهي اذن سنين الحصره والالم ولتري الان غروري

لن تتوقف نبضات قلبي حتي الموت من اجل روحا كنت اعشقها
ولكني اعترف انها توقفت عندما اتت تلك اللحظه ,, انها لحظه مرت ومر معها صور لسنيين طويله
ولكنها مجرد لحظه .. فهي في الواقع ليست كفيله بأنهاء حياه قلب
قلب قرر ان يستمد لنبضات قلبه القوه ,, اقصد الحب ولتعلمي انه ليس مجرد حب انجد به نبضات قلبي
انه حب لاني اريده كذلك
قلتبقي اذن في حياتك الان .. الحياه الواهمه التي تخدعك بعودتي من اجل ارضاء غرورك
ابقي كما انتي طويلا ,, ابقي حتي يملأ الملل الفراغ الذي حولك قبل ان يملآ الفراغ الذي بداخلك ,, بعدي
توقعي اي شئ الا النظر اليك فانت اقل من ان يقع نظري عليكي
حتي اذا اخذتك تلك البقعه الصغيره جدا التي تركها حبي لكي في قلبك ,, لن تري ما تنتظريه
فاذا لم ياتي الحب الان _ ولكنه ات ات _ فلتكن الوحده بنارها الحارقه هي سبيلي
فهي اهون بكثير من مجرد النظر اليك الان

ملل

لازم بيجي وقت بتبقا عايز تعمل فيه اي جديد
كل يوم شغل شغل شغل
كل يوم ستريس وارهاق زهني وبدني
مينفعش يعني هتفضل مميز في شغلك وعندك حماس وانت مليان ملل
نفسي احارب الملل بالفراغ
بس بفراغ محسش معاه بالملل

 

 

فكر مشتت

اصعب حاجه انك تبقا مشتت ومش عارف تاخد قرار في مرحله مهمه
التشتت ده علشان انت مخير بين حاجتين فيهم مميزات وفيهم عيوب
المشكله انك بتفكر في خيار انت سامع عنه مش مجربه
ولا عارف هتقدر تستفيد من مميزاته وهتقدر تتغلب علي عيوبه
وخيار تاني مش واضح اوي بالنسبالك يمكن محتاج يتلمع من التراب الي عليه علشان يوضح وبالتالي ممكن تختاره او لاء
ويمكن فضولك الي بيلعب في دماغك وبيقولك خوض تجربه جديده هتجمدك اكتر وتزودك خبره اكتر
وفي كل الاحوال مفيش حد عارف بكره في ايه لانه في علم الغيب الي ميعرفوش غير ربنا بس

عتاب الندل

المواقف الصعبه فعلا هي الي بتبين الراجل والي مش راجل
بتبين الصاحب الي يتصاحب والصاحب الي المفروض تقلبه لانه مينفعش يتصاحب
وصدق الي قال عتاب الندل اجتنابه
من حق الحياه اننا نشكرها مع انها مطلعه عنينا لانها كل يوم بتعلمنا الصح

ببساطه

ببساطه عشان انجح لازم اخطط صح
هنجح ونجاحي هيستمر لانه متاسس صح
في متعه بحسها في النجاح
بس المتعه الاكبر والغريبه هي انتظار نتيجه مجهود وتخطيط
انتظار النجاح طعمه حلو

انا افكر اذا انا مجنون

انا افكر اذن انا مجنون
مينفعش يعني افكر دلوقتي في حاجه غير النوم
التفكير تعب مني بس انا تعبت منه اكتر
كلمتين في جمله مفيده هتنهي الموقف
ليه بقا الموقف مش عارف اعديه
خايف اكون شايف الاشاره خضرا وهي حمرا !!!
بردو بفكر 

غريبه ومش غريبه

حاجه غريبه اوي لما تشوف واحده مره واحد بس
وتفضل تفكر فيها
تفكر في الموقف الي حصل بينكم
في نظرتها وطريقه كلامها
وانت ولا تعرف اسمها حتي
الارواح بتاعتنا زمااان اكيد كانوا يعرفوا بعض
عشان كده في حاجه انا مش فاهمها 
غريبه

حلمي انا

مهما اختلف الناس معاك

مهما كان رائيك وفكرك مختلف
مهما كان رائي الناس مجتمع علي الاختلاف مع رائيك
اتمسك برائيك وفكرك طول ما انت مقتنع
علي قد النقد علي قد ما حلمك هيجمد
بس انت فكر ازاي تقنع الي اختلف معاك بفكرك
وده مش هيحصل الا بطريقه واحد
طبق فكرك ورائيك وخليه واقع يتعاش